Бүгінгі жас ұрпақ білімді болса, елдің келешегі кемел болары анық. Себебі қай заманды алып қарасақ та қоғамның қозғаушы күші – жастар. Мемлекет жастарға барлық мәселеде қолдау білдіріп, мүмкіндік жасауда. Білім жүйесінде де гранттардың саны артып, олардың шетелде білім алуына мол мүмкіндік бар. Көптеген жастар ұйымдары мен құрылымдары қызмет жасайды. Заманауи білім беру жүйесі қалыптасып, зияткерлік мектептер, Елордада халықаралық университет ашылды. Жыл сайын мыңдаған студент әлемнің үздік университеттеріне оқуға кетіп жатыр. Осының барлығы жастардың жаһандық дәуірде бәсекеге қабілетті мемлекеттің негізін қалауына жол ашады.

Әсіресе біз білім саласына келгенде жала­ғаштық жастардың жетістігін ауыз толтырып айта аламыз. Себебі аталған саланың жемісті жұмы­сы да, білім бәйгесінен жүлде алып, аудан мерейін асырып жүр­ген өрендер де жетерлік. Бастысы саладағы жаңа­шыл­дыққа деген ұм­ты­лыс пен жастардың білім алуға деген ыж­да­ғат­ты­лығы қуантады.

Еңбектегі білім ошағының 10 сынып оқу­шы­сы, талай сайыстан орын алып, үздік екенін дә­лел­деген Нұрайна Әбдіғаппарова да мектеп мақтанышы. 9 сыныпты жақсы аяқтағаны үшін «Үздік аттестат» иегері, республикалық «IQANAT» олимпиадасының аудандық, облыстық, республикалық кезеңінің жеңімпазы, «IQANAT» олимпиадасының респуб­ли­ка­лық сле­тына Алматы қаласына жолдама алып, 700 оқушы ішінен іріктеліп, «IQ-IP”, «Еdukon» плат­формаларын жеңіп алған.

Кейіпкеріміз «Шамшырақ» ғылым мен білім­ді қорғау орталығының ұйымдастыруымен өт­кен «Біздің болашақ» атты республикалық бай­­қауында ІІ орынды, республикалық Ұлттық олимпиадасында орыс тілі пәнінен І орынды, биология пәнінен ІІ орынды, «Экспо – 2017 – Болашақ энергиясы» тақырыбындағы эссе бай­қауында І орынды, облыстық «Елбасы және та­рих» ғылыми жоба конкурсынан ІІІ орынды ие­ленген. Сондай-ақ «Жамбыл Жабаев – Ұлы даланың алып жыршысы» тақырыбындағы ғы­лыми жобаның аудандық кезеңінде І орын, ау­дан­дық ғылыми жобаның «Қоршаған ортаны қорғау секциясы» бойынша ІІІ орын, биология пәнінен юниорлық олимпиададан ІІ орын алып, үздік ғылыми жоба атты халықаралық дә­режеде ұйымдастырылған республикалық шы­ғар­машылық конкурстарға қатысып, жүлделі орын иегері атанғаны үшін марапатталған.

Мектеп мақтанышының білім бәйгесіндегі жетіс­тіктері бұл ғана емес, кешегі төтенше жағ­дай кезеңінде де қашықтан ұйымдас­тырылған сайыстарға қа­ты­сып, жүлделі орын­дарға ие болған. Мәселен, «Қа­зақ­стан ұс­таз­дары» қоғамымен ұйымдастырылған «Қазақ тілі» пәні бойынша республикалық олимпиадаға қатысып, І дәрежелі дип­ломмен марапатталып, республикалық «Ұлан» басылымының ұйымдастыруымен өткен жалпы республикалық бай­қаудың жеңімпазы атанған. Бұдан бөлек те талай бай­қауларда топ жарып, өзінің қарым-қабілетін көрсете білген.

Бүгінгі таңда Нұрайна өзі таңдаған маман­ды­ғы бойынша ұлттық сынамаға дайын­далып, білім алу­ды жалғастыруда. «Мақсатым – білім алу, сол ал­ған білімімді елдің дамуына жұмсау және қоғамға пай­далы білікті маман атану» деген дарынды жастың талабы таудай екені көрініп-ақ тұр.