Жалағашта аудандық полиция бөлімі және төтенше жағдайлар бөлімінің ұйымдастыруымен «Пиротехника» жедел-профилактикалық іс-шарасы өтуде. 15 желтоқсанда бастау алған шара қаңтар айының 3-іне дейін жалғасады. Мақсаты сертификатталмаған пиротехникалық өнімдерді айналымнан шығару, сондай-ақ заңсыз сату және сақтау ережелерін бұзу фактілерін анықтау және жолын кесу болып табылады.

Айта кетейік, пиротехникалық бұйымдарды лицензиясы мен рұқсаты жоқ тұлғаларға сатуға қатаң тыйым салынады. Сон­­­­дықтан аудандық полиция бөлімі анықталған фактілер бо­­­­йын­ша әкімшілік жауапкершілікке тартылатындығын айтады.

Іс-шара барысында қос бөлімнің қызметкерлері аудан орталығындағы бірқатар дүкенді аралап, түсіндірме жұ­мыс­­­тарын жүргізді. Олар шара барысында сауда орта­лық­тарының иелеріне пиротехникалық заттарды кәмелет жасқа толмағандарға сатуға болмайтынын жеткізді.