Есірткі ол – тіршілік атауына көлеңке түсіріп, тамырына балта шабатын жеті басты жауыз. Адамды адастырып, өмірін күйретіп, арманын күл-талқан ететін індет. Бұл бүгінде ғасырдың өзекті мәселесіне айналды. Менің түсінігімде есірткі дүниедегі жамандық атаулының бастауы. Мен оқушы болсам да атан-анамның, ұстаздарымның, бейбіт Отанымның алақанында еркелеп жүріп арман-мақсатыма жетуге талаптанамын. Замандастарымның, енді бүр жарып келе жатқан жасөспірімдердің өмір жолынан адасып, есірткіге елітіп, түтінге тұншығып, өмір белесінде сағын сындырып алмаса екен деймін. Сәбилік көңілім еріксіз аяушылық сезімге бойлайды. Егер жас өмірін есірткіге тәуелді еткен жастар болса: «Өміріңді өксітпе! Не ексең, соны орасың! Қайталанбас жастық шағыңды білім алып, ғылымдық жолға арнасаң, бақыт та алтын қақпасын саған айқара ашады», – дегім келеді. Өз-өзіңді тәрбилеп, рухыңды сілкіп, жігеріңді жанып, ата-анаң мен ұстаздарыңның үмітін ақтау әрбір оқушының өз қолында. Гүлдің күтімсіз болуы, солуына, қурауына әкелсе, есірткінің де түбі ажалға әкелері сөзсіз. Қаншама жан тағдыр тәлкегіне түсіп, отбасынан, балаларынан, достарынан ажырап жатыр. Сондықтан бүгін қолыма қалам алып, барша достарыма үндеу жариялағым келеді. Достық кеңесім деп түсінер.   Достар, есірткіден бойды аулақ ұстайық! Салауатты өмір салтын ұстанайық! Спортпен шұғылданайық! Қоғамның дертін бірге жеңейік! Өмірімізді мәнді, мағыналы өткізейік! Олай болса, адам өмірін өлтіретін есірткі, зиянды заттардан қоғамды аластайық! Сіз бен біз болып, келешектің көркем көріністерін суреттейтік. Сен де маған қосыл! Біз есірткіге қарсымыз! Қайсар қазақтың текті ұрпағы, санасы мен ақылын елдің ертеңіне, ғибратты ғұмырға арнап, бұрыс жолдан аулақ болып, дүниенің әр тетігіне кірпіш болып қаланайық. Ұлтымыздың батырлығы мен тектілігін таныту біздің қолымызда! 2022 жыл – "Балалар жылы" болып аталғаны белгілі. Бүгінгі ұрпақ тәуелсіз еліміздің болашағы. Бүгінгі бала, ертеңгі күні ел азаматы. Қыңырды жөнге, қисықты тезге салар ұлт ұстазы. Біздің замандастар, бүгінгі жастар, болашаққа түзу қадам басып, қияға самғаса екен! Қазақтың атын танытар талантты есімдер жарқ етіп, білім биігін бағындырса екен! Ең бастысы, достар Алла берген денсаулық пен талабымыздан тау тұрғызып, түрлі зиянды, жолдан тайдырар мағынасыз нәрселерден аулақ болайық!
Мен есірткіге қарсымын! Өмір сүргім келеді! Мен өмірді таңдаймын! Жас достар сіздердің де осы жолды таңдайтындарыңызға сенімдімін!
Еңбек етсем ертеңгі бақытыма сенемін!
Мақсатыма жеткізер уақытыма сенемін!
Ақыл, сана, білім мен өнеріме сенемін!
Абыройды ақ ниет адамдыққа сенемін!
Есірткісіз өмірдің ғажабына сенемін!