Ветеринар мамандар қаңғыбас ит пен мысықты не істейді?
Бүгін қаңғыбас иттер мен мысықтарды аулау және жою қағидалары туралы брифингте Қызылорда қалалық ветеринариялық станциясының директоры Нұрлан Төлегенов наурыз айынан бастап көшедегі иттер мен мысықтарды аулау тәртібі өзгеретінін айтты.
«Қазіргі таңда қаңғыбас иттер мен мысықтарды аулау және жою бұрынғы әдіспен жүргізілуде. Бірақ 1-наурыздан бастап бұл әдісті қолданбаймыз. Одан әрі мұндай ит, мысықтарды аулап, оқшаулау пунктіне апарып, 5 күн иесін іздейміз. Сол уақыт аралықта залалсыздандыру жұмыстары жүргізіледі. Сосын бұрынғы орнына қайта жібереміз», – дейді Нұрлан Төлегенов.
