Бұл ұжым сенбілік өткізу үшін сенбіні күтпейді. “Өркен-Әлем” тігін цехының он саусағынан өнер тамған ісмерлері аптаның барлық күнін аудан тазалығына арнауға қашанда даяр. Иә, олардың жұмыс уақытының бір бөлігін қоршаған ортаның тазалығына арнағаннан шаруасы шатқаяқтап жатқан жоқ. Оған осыдан бірнеше ай бұрын кәсіпорынға ат басын бұрған күні көзіміз жеткен. Ал бүгін олар бірнеше жыл бұрын әуе апатынан қаза тапқан сарбаздарға арнап қойылған ескерткіш маңында тазалық жұмыстарын жүргізіп, тағы да көпшілікті өнегелі ісімен тәнті етті.

Облыстық мәслихат депутаты, “Өркен-Әлем” ЖШС басшысы Жақ­­сылық Өзденбаев ескерткіш ау­ла­сына тазалық жұмыстарын жүргізіп, сарбаздар рухына құран бағыштауды серіктестік ұжымы бірнеше жылдан бері дәстүрге айналдырғанын айтады. Сондай-ақ ол алдағы жылдары да дәстүрлі шараның жалғасын табатынын жасырмайды.

– Біз жыл сайын бір күнімізді осы ескерткіш ауласының таза­лығына арнаймыз. Бұл – бір жағынан қызмет барысында бақи­лық болған сарбаздар рухына құр­­метіміз. Алдағы уақытта да жылдың бір күнін ескерткіш аула­сының тазалағына арнауды серік­тестік ұжымы дәстүрге айнал­ды­­рады. Қоршаған ортаның та­­­­­­­за­­лығы баршамызға абырой. Сон­­­дықтан біз мұнан бөлек әр сен­бі сайын өзіміздің кәсіпорын ау­ла­сына да санитарлық тазалық жұмыстарын жүргіземіз, – дейді се­­ріктестік басшысы, облыстық мәс­­лихат депутаты Жақсылық Өзденбаев.

Айта кетейік, осыдан 3 жыл бұрын 27 наурыз күні аудан тер­ри­ториясында апатқа ұшыра­ған МИ-8 тікұшағы барша қазақ жұр­тының қабырғасын қайыс­тырған болатын. Ақтаудан Шымкентке бет алған тікұшақ бортындағы 13 адамның барлығы қаза тап­қан. Марқұм болғандардың 12-сі Ақтаудағы 30153 әскери бө­лі­мінде қызмет еткен. Дәл осы жылы әуе апатынан қаза тап­қандарға ескерткіш тақта орна­тылды. Мем­­лекет басшысы Қасым-Жомарт Тоқаевтың Жарлығымен Ми-8 тік­ұшағының апа­ты ке­зінде қаза тапқан әскери қызметшілердің қызметтік бо­­­рышын адал атқар­ғаны және ерлігі мен жанқиярлығы үшін "Жауын­гер­лік ерлігі үшін" медаль­да­рымен ма­рапатталған болатын. Сол ес­керткіш тақ­та орнатылған күн­нен бері аула­сы­ның тазалық жұмыс­тарын “Өр­кен-Әлем” ЖШС ұжымы өз жауап­кершілігіне алған.

– “Тазалық – тал бесіктен” дей­ді дана қазақ. Өзіміз мекен ет­кен қоршаған ортаның таза бол­ғаны кімге болса да тиімді. Біз әр сенбі сайын өзіміздің кә­сіп­орын орналасқан аумаққа сани­тарлық тазалық жұмыстарын жүр­­гіземіз. Мұнан бөлек қаза бол­ған сарбаздардың ерлігін паш ететін осы ескерткіш ауласына да жыл сайын санитарлық тазалық жұмыстарын жүргізіп келеміз. Басшымыз бастап, ұжым болып қолдап бір жағынан сарбаздар рухына құрмет көрсетсек, келесі кезекте өңірдің тазалығына да мән беріп жатырмыз, – дейді кә­сіп­­орынның цех меңгерушісі Алтынай Әлібаева.

Тазалық жайын сөз еткенде ең алдымен ауданның келбетін арттырып, Жалағаштың жаса­ра түсуі үшін жасалып жүрген көр­кейту-көгалдандыру жұмыстары ойымызға оралады. Өйткені, осы бағытта жасалған әрбір жұмыс таза еңбектен тұрады.

Түптеп келгенде тазалықтың да, көркейту-көгалдандырудың да мақсаты бір. Өзіміз тұратын өл­­­­кенің көп көзіне түрпідей тиетін көріксіз жерлерін күл-қоқыстан тазарту, қоршаған орта мен кент ішінде бірізділікті қалыптас­ты­ру және Жалағаштың жай­қалып, келбетінің арта тү­суіне әр тұр­ғынның қосар үлесі бар еке­нін ұғындыру. Ал кешегі сенбілік жұмыстары барысында се­ріктес­тік ұжымы ескерткіш ау­ла­сын күл-қоқыстан арылтып, ай­­­­­­на­ла­сын­дағы арам шөптерді ша­­уып, орын­дықтарды, ескерткіш ма­ңын­­дағы белгілерді сырлады.