Жалағаш ауданының прокуроры Шыңғыс Есжанов аудандағы кәсіпкерлік субъектілерімен ашық диалог форматында кездесу өткізді. Мақсат – кәсіпкерлік қызметті іске асыру кезіндегі жүйелі мәселелерді, әкімшілік кедергілерді анықтап, оларды шешу жолдарын талқылау.

Кездесуге аудандық кәсіпкерлер бө­лі­мінің, аудандық мемлекеттік кірістер, са­ни­тариялық-эпидемиологиялық бақы­лау бас­­қармаларының және басқа да мем­ле­­кеттік органдардың өкілдері мен аудан кәсіпкерлері қатысты. Ш.Есжанов бизнес өкілдеріне Қазақстан Респуб­ликасының Пре­зиденті Қасым-Жомарт Тоқаевтың 2019 жылғы жарияланған шағын және орта кә­сіп­керлік субъектілерін тексерулерге жа­рия­ланған мораторий талаптарын түсіндірді.

Басқосуда аудандық прокуратураның прокуроры А.Есжанов баяндама жасап, прокуратурамен 2021 жылы және 2022 жылдың өткен мерзімінде атқарылған жұ­мыстар, «Прокуратура туралы» Заңға кә­­сіпкерлерді қорғау бағытында енгі­зілген өзгерістер туралы кеңінен тар­қатты. Со­нымен қатар Мемлекеттік кіріс­тер бас­қар­ма­сының бөлім басшысы Ж.Несіп­баев са­лық заңнамасында көзделген же­­ңіл­діктер, ал кәсіпкерлікті дамытуға ба­ғыт­тал­ған мем­лекеттік бағдарламалар ту­ралы ау­дандық кәсіпкерлік, өнеркәсіп және туризм бөлімінің басшысы Ғ.Ерболұлы баяндама жасады.

Кездесу барысында кәсіпкерлерді тол­ғандыратын сұрақтар талқыланып, олар бойынша заң талаптары түсіндірілді. Жиын соңында аудан прокуроры Шыңғыс Мә­ди­ұлы алдағы уақытта бұндай кездесулер әр тоқсанда кемінде бір рет түрлі саладағы бизнестің өкілдерімен өткізілетінін жеткізді.

Айта кетейік, аудан аумағында кәсіп­керлердің құқықтарын қорғау жөніндегі мо­бильді топ құрылып, қызмет көрсетуде. Егер кәсіпкерлер қызметіне мемлекеттік органдар тарапынан заңсыз араласу, со­ның ішінде тексеру фактілері орын алған жағдайда 32-4-43 байланыс телефоны ар­қылы мобильдік топқа хабарлауға болады.