Жастардың бойында отансүйгіштік, патриоттық сынды жақсы қасиетті қалыптастыру мақсатына бағытталған шаралар қазір жиі ұйымдастырылу керек. Сонда ғана жастардың бойында Отан алдындағы әскери борышын өтеуге деген қызығушылық қалыптасады. Келешек ұрпақты патриоттыққа үндейтін мұндай шаралар ерекше маңызға ие. Себебі елдің ертеңі осы жастардың қолында екенін жақсы білеміз. Кеше аудан орталығында дәл осындай тағылымды шараның куәсі болдық. Орталық алаңда Жалағаш ауданы мектептері әскери-патриоттық клубтарының Отан қорғаушылар күні мерекесіне және Ұлы Жеңістің 77 жылдығына арналған аудандық слет өтті. Оған кент және ауылдық округтерден 200 оқушы қатысты.

Алдымен аудан әкімі Асқарбек Есжанов бастаған бірқатар аза­маттар, ауған соғысының ар­да­герлері орталық алаңда орна­лас­қан «Ер есімі – ел есінде» атты ескерткіш алдына гүл шоқтарын қойып, Ұлы Отан соғысына қатыс­қан ардагерлер рухына тағзым етті.

Салтанатты шара орталық алаңда мектептердегі әскери-пат­­риоттық клуб мүшелерінің қа­ты­суымен өткен саптық бай­қауға ұласты. Жыл сайын дәс­түрлі түрде өткізілетін слеттің маңыз­дылығына тоқталған аудан әкімі Асқарбек Темірбекұлы қаты­су­шы­ларды, сарбаздарды айтулы мерекемен құттықтады.

– Баршаңызды 7 мамыр – Отан қорғаушылар күнімен шын жү­ректен құттықтаймын. Биыл Қа­зақстан Республикасы Қарулы Күштерінің құрылғанына 30 жыл, Ұлы Жеңіске 77 жыл толып отыр. Әр елдің мақсат-мұраты ол елдің бірлігінің беріктігінде. Бүгінгі ұр­пақ тарихтан сабақ алып, ер­ліктің, өрліктің, қайсарлықтың, қа­­­зақстандық патриотизмнің жар­­­қын үлгісін көрсетуге тиіс. Се­­бебі қай қоғамда болсын ер аза­мат үшін елін, Отанын қорғау – азаматтық борыш. Ықылым за­ман­нан ердің есімін ел, елдің есімін ер шығаратынын жақсы білесіздер. Аталарымыз ақ білек­тің күшімен, ақ найзаның ұшы­мен осы ұлан-ғайыр жерді қор­ғап, бізге мұраға қалдырды. Аудан жұртшылығы бүгінгі күні елі­міздің қорғаныс қабілетін ны­ғай­туға, Қазақстан халқының игі­лігі мен бейбітшілігін қорғауға лайық­ты үлесін қосуда. Ұлы ханымыз Абылай «Білектінің заманы өтеді, білімдінің заманы келеді» деген. Қазір – шынында білектінің емес, білімдінің за­ма­ны. Ғылым мен техниканың дәуірлеп тұрған кезеңі. Сондық­тан бірінші кезекте біздің өскелең ұрпақ білімді, бәсекеге қабілетті болып қалыптасуы қажет. Әр­бір азамат өзінің туған жерін, өзінің өлкесін құрметтесе, оны қор­ғауға әркез дайын болса, бізге одан артық құрмет жоқ. Бү­гінгі мереке баршаңызға құтты болсын. Дендеріңізге саулық, от­­бастарыңызға амандық ті­лей­мін. Алға қойған мақсат-мұрат­та­рыңызға жете беріңіздер, – деді аудан басшысы.

Асқарбек Есжановтың бұл сөзіне алып-қосарымыз жоқ. Жас буынға әкім ретінде ғана емес, ал­дыңғы буын ретінде ағалық ақылын айтты. Расында қазір – білектінің емес, білімдінің заманы. Аудан басшысы айтқандай, қазір жастардың білім алуына, сол санасына сіңірген сапалы білі­мімен халқына қалтқысыз қыз­мет етуіне еш кедергі жоқ. Ал ке­шегі қазақ көрген небір зұл­мат жылдарда бұл мүмкіндік баба­ла­рымыз үшін үлкен арман еді.

Шара соңы патриоттық ән­дер шырқалып, қоян-қолтық ұрыс әдіс-тәсілдері көрсе­тіліп, сал­­­танатты шеруге ұласты. Ра­сында бұл шараның қай буын үшін де маңызы зор. Жастардың әрбір әскери қоян-қолтық ұрыс тәсілдерін еркін меңгергенін кө­ріп, риза болдық.

Иә, Отан қорғау – ортақ парыз. Осы бір ұстаным әрбір азаматтың бойынан табылса, тәуелсіздігіміз, тұғырлы, егемен елдің ертеңі жарық болары анық. Жастар Отан алдындағы әскери борышын өтеуден жалтармауы керек. Се­бебі мемлекет болашағы осы буын­мен байланысты екенін Ел Президенті Қасым-Жомарт Тоқаев сан мәрте айтты. Ал осы се­­нім үдесінен шығу да бізге үлкен жа­уап­кершілік жүктейді.