«Сыр алаңы» қоғамдық қорының ұйымдастыруымен кент орталығындағы №13 Балалар-жасөспірімдер спорт мектебінде «Деструктивті діни идеологиялардың алдын алу» тақырыбында жастармен кездесу өтті. Жиынға модераторлық жасаған аудандық ішкі сая­­сат бөлімінің бас маманы Нұрлан Амандық басқосудың маңыздылығын атап, жастарды жат ағымнан аулақ болуға шақырды.

Мұнан кейін облыстық ақпа­рат­­­тық түсіндіру тобының мү­ше­сі, қалалық «Мүсірәлі баба» ме­­шітінің бас имамы Әлішер Ақбаев та жастарға кеңесін бер­ді. Ол өз сөзінде қазіргі жас­тар­ды жат ағымға тартушылар үшін әлеуметтік желі оңай қару екенін атап өтіп, өзіміздің дәстүрлі діні­­мізді тек мешіт имамдарынан үй­ре­­ну қажеттігін ескертті.

Бас имамның бұлай деуінің жөні бар. Осыған дейін жат ағым­ның жетегінде кеткендермен жүр­гізілген профилактикалық жеке кез­десу барысында олардың басым бөлігінің әлеуметтік желі ар­қылы арбалғаны анықталған. Сон­дықтан, жастардың түрлі желі ар­қылы уағыздар тыңдап ізде­нуінен олардың барлық бағыт­ты ме­шіт имамынан алғаны абзал.

Басқосуда теріс діни ағымды ұстанудың арғы жағы жарға жығатыны айтылып, жастарға мол мағлұмат берілді. Сондай-ақ, ондай топ мүшелерінің қазақтың дәстүрін мойындамайтыны да айтылды.