Халықаралық би күніне орай Жаңаталап ауылында «Мың бұралған бишілер» атты байқау өтті. Байқауға ауылдық клуб жанынан құрылған үйірме мүшелері арасынан 9 би тобы қатысты.

Нәтижесінде бас жүлдені «Сандуғаш» би тобы иеленсе, І орынды «Сұңқар» би тобы жеңіп алды. Сонымен қатар ІІ орынға «Бүлдіршіндер», «Әдемі-ай», «Думан» би топтары қол жеткізсе, ІІІ орынды «Арулар», «Айбибі», «Айгөлек» тобындағы бишілер қанжығаларына байлады.

Байқау сонында би үйірмесінің жетекшісі, клуб басшысы Сандуғаш Тұрсынғалиқызы балаларға ізгі тілегін білдіріп, дипломдармен марапаттады.

Айта кетейік, бұған дейін «Сандуғаш» би тобы «Бақытты елдің ұрпағы» қоғамдық қорының ұйым­дас­тыруымен өткен «Дала сазы» атты республикалық байқауда 2-ші орын иеленсе, «АМАNAT» music ІІ ха­лық­аралық конкурс фестивалінде қазақтың ұлттық биі «Ұршық» биін билеп, белсенді өнер көрсеткені үшін арнайы дипломмен марапатталды.

Жаңаталаптық өнерпаздар әлі талай белестерді бағындыратынына сенім мол.