» » Баспана бағасы қай өңірде көтерілді?

Баспана бағасы қай өңірде көтерілді?

Теңгенің әлсіреуі тұрғын үйге де әсер етті. Еліміздің барлық қаласында пәтер құны қымбаттады. Бағаның әсіресе республикамыздың оңтүстік-шығыс өңірінде айтарлықтай өскені байқалады, - деп хабарлайды КТК тілшісі.
Елімізде ақшасын тірнектеп жинап баспаналы боламын деген адамдардың саны көбейіп келеді. Алайда үйге қол жеткізу - жалақысы төмен жұртқа бүгінде мұң. Еліміздің өңірлеріндегі баспана бағасының өскені рас. Республика бойынша ең үлкен өсім Павлодарда - 3 жарым пайыз. Керекуде үйдің әр шаршы метрі 185 025 теңгеге дейін көтерілді. Екінші кезекте - Талдықорған. Көрсеткіші - 2,8 пайыз, пәтердің шаршы метрі 189 100 теңгеге жеткен. Қымбатшылық Өскемен қаласын да айналып өтпеді. Бұл өңірде 2,3 пайыз, шаршы метрдің орташа бағасы - 195 925 теңге. Пәтер құны басқа қалаларда да қалысар емес. 
Маңғыстау мен Атырау облыстарында баға тұрақты. Ал аумағы үлкен, бизнес класты үйлерге қызығушылық төмендеген. Экономистер тұрғын үй бағасының шарықтауына сұраныстың артуы да әсер етті деп отыр. Теңгенің құнсыздануы жығылғанға жұдырық болған.
 "Келесі жылы мемлекеттік бағдарламалар жүзеге асқаннан кейін сұраныстың көбеюіне әкеп соғады. Бағаның өсуіне тағы алып келеді. Қазір тек өсім болады. Доллар әлемдік нарықта болған соң, ол бізге әсерін тигізеді. Құрылыс материалдары шетелден алып келгеннен кейін ол бағаның ішіне кіреді", - деді экономика сарапшысы Мақсат Сералы. 
Сарапшылардың пікірінше, тұрғын үй құны 2019 жылы қатты құбылмақ. Сондықтан экономистер баспаналы болуды жоспарлағандарға бағаның арзандауын күткен бекер дейді. 
08 қыркүйек 2019 ж. 496 0

№42 (9825)

28 мамыр 2022 ж.

№41 (9824)

24 мамыр 2022 ж.

№40 (9821)

21 мамыр 2022 ж.

Сұхбат

Өнер ордасының бәсі биік
24 тамыз 2021 ж. 2 714

Жаңалықтар мұрағаты

«    Қазан 2024    »
ДсСсСрБсЖмСбЖс
 123456
78910111213
14151617181920
21222324252627
28293031