Осыған дейін аяулы ұстаз, ардақты ата-ананың үкілі үмітін арқалаған мектеп бітіруші түлектер сынақ тапсырып, өз білімдерін сынға салған еді. Бұл жолы да жалағаштық түлектер өздерін білім нәрімен сусындатқан ұстаздар қауымын жерге қарата қойған жоқ. Барлығы да ұлттық бірыңғай тесті ойдағыдай тапсырып шықты деуге болады.

Қуантарлығы, Жалағаш ауданы бірнеше жылдан бері білім саласында жоғары жетістіктерге жетіп, ұлттық бірыңғай тестілеуде алдыңғы саптан көрініп келеді. Биыл да нәтиже жаман емес сияқты. 271 бала мектеп бітірсе, 232 оқушы ҰБТ-ға қатысты. Ал ұлттық бірыңғай тестілеу аудан бойынша 26-27 маусым күндері З.Жарқынбаев атындағы №202 орта мектеп базасында орналасқан №869 тестілеу орталығында өтті.

Айта кету керек, ұлттық сынама тапсыру барысында барынша карантиндік ережелер қатаң сақталды. Түлектердің медициналық-санитарлық нормаларға сәйкес арақашықтықты сақтауы, бетперде киюі, қолғаппен келуі бақылауда болды. Жалпы тестілеуге дейін түлектер дезин­фекциялау шараларының бес кезеңінен мұқият өткізілді.

Мәселен, биылғы ҰБТ сынағы жыл­дағыдай көпшілік түрде өтпеді. Яғни ба­лаларына ата-аналарының еріп келіп, тест тапсыру орта­лығының айналасына шоғырлануға шектеу қойыл­ды. Алайда ау­дандық білім бөлімі тара­пынан әлеуметтік желідегі ата-аналардың чаттарына сілтеме жіберіліп, емтихан уақы­тында әрбір ата-ана сол сілтеме арқылы онлайн түрде тікелей байланысқа қосылуына мүмкіндігі болды. Сынақ тапсыру сәтінде де түлек­тердің қауіпсіздігі басты назарда ұсталды. Емтиханға кіретін түлектер бес саты бойынша залалсыздандырылды. Ең ал­дымен олар арақашықтығы 2 метр бо­латын ленталардың бойымен бір-бі­реу­ден оқшауланып өтіп, содан соң жа­бық тоннель арқылы үстерін толық за­лал­­сыздандырды. Одан кейін ылғалды кі­лемшелер арқылы аяқ киімдерінің табан­дарын сүртіп, төртінші кезеңде сырт­тан киіп келген бетпердесін арнайы қоқыс жәшігіне тастап, жаңасын ауыстырады. Соңғы сатыда арнайы сұйықтықпен қол­дарын жуды. Аудитория ішінде де арақашықтыққа баса мән берілді.

ҰБТ-ға қатысқан түлектер мүмкіндігінше мектептен алған 11 жылдық білімдерін көрсетуге тырысты. Тест аяқталып, нәтижесі шыққаннан кейін де қорытындысымен келіспей, апелляцияға берген оқушылар болды. Олардың басым бөлігі сұрақтарға дұрыс жауап бергендіктерін дәлелдеп шықты.

Биылғы ҰБТ-да аудан бойынша ең жоғары балл 126-ны құрады.

Осы оқу жылының 4-тоқсаны қашықтан оқытылғаны белгілі. Елде төтенше жағдай жарияланған кезде балалар үйден оқытылды. Соған қарамастан мектеп бітіруші түлектер жаман нәтиже көрсеткен жоқ. Бір сөзбен айтқанда, ұстаздар мен ата-аналардың үкілі үмітін ақтады деуге болады.