Облыс басшысының келесі аялдағаны Мөрәлі Шаменов ауылы болды. Көркейген ауылдың әлеуметтік-экономикалық дамуы, жасалып жатқан игілікті істер аймақ басшысына таныстырылды. Ел үшін еңселі жаңалық жаңа мектеп үйі биылғы жылдың ақжолтай қуанышы болған еді. Заманауи үлгідегі  №34 орта мектептің ұстаздарымен және ауыл ардагерлерімен болған жылы жүздесуде облыс басшысы елдің амандығы, қариялардың саулығы үлкен қазына екендігін жеткізіп, ұрпақтың білімді болуы, заманауи технологияны  меңгеруі ел ертеңі үшін үлкен мәртебе екенін тілге тиек қылды. Ауыл ардагерлері де өз кезегінде өңір басшысына ыстық ілтипаттарын білдірді.