Ауылшаруашылығы саласының өкілдерімен кездесті

Бүгін ҚР Парламент сенат депутаты Дана Нұржігіт, "Nur Otan" партиясы Қызылорда облыстық сайлауалды штаб мүшесі Наурызбай Байқадамов, "Nur Otan" партиясы облыстық, аудандық мәслихат депутаттығына үміткерлер Қаншагүл Мұстафаева, Имамзада Шағыртаев, Садық Мұстафаев, Әліби Бекжанов, Ахан Кенжебаев ауданның ауылшаруашылық саласының өкілдерімен кездесті. Депутаттыққа үміткерлермен кездесуге жиналған сала мамандарына партияның сайлауалды бағдарламасы кеңінен түсіндіріліп, алға қойған мақсаттарына терең талдау жасалды. Ауылдық жер үшін жетекші сала болып саналатын ауыл шаруашылығының да өзекті мәселелері халық қалаулысына үміткерлердің назарынан тыс қалмады. Бүгінде барлық азаматтар жетекші партиядан нақты мәселелерді шешуді және бастамаларды ілгерілетуді күтіп отырғандығы жайлы сайлаушылар да өз пікірлерін білдірді. 2021 жылдың 10 қаңтарында өтетін сайлауда қоғамның белсенді азаматы ретінде өз таңдауларын жасайтындарын жеткізді.