«Өркен Әлем» ЖШС жұмысшыларымен кездесті
«Nur Otan» партиясы атынан Жалағаш аудандық мәслихат депутаттығына үміткерлер Қаншагүл Мұстафаева, Еркін Базарбай, Самат Сарбасов, Ұлжан Тәжібаева, Қайрат Досымов, Гүлжайна Айтжановалар «Өзгерістер жолы: Әр азаматқа лайық өмір!» тақырыбындағы «Nur Otan» партиясының сайлауалды бағдарламасын насихаттау мақсатында «Өркен Әлем» ЖШС ұжымымен кездесті.Келелі кездесуде үміткерлер сайлаушыларға бағдарламада көрсетілген халықтың өмір сүру деңгейін, сапасын, әл-ауқатын арттыру үшін болашақта атқарылатын жұмыстармен таныстырды. Бұл бағытта шағын және орта бизнестің маңызды рөлі бары айтылды. Осы ретте мемлекеттік бағдарламалар арқылы 200-ден аса азамат арнайы курстарда оқып, өз кәсіптерін ашуға жағдай жасайтыны қаперге алынды. «Nur Otan» партиясының «Ауыл – ел бесігі» және «Құтты мекен» партиялық жобаларын іске асыру жалғаспақ. Нәтижесінде аудан тұрғындары таза ауыз суға және сапалы жолдарға, әлеуметтік және инженерлік инфрақұрылым нысандарына қол жеткізеді. Бұл жұмыстардың барлығы алдағы 5 жыл бедерінде атқарылатын болады. Өз кезегінде тігіншілерден құралған еңбек ұжымы көпбалалы аналарға берілетін көмек, әлеуметтік дүкен, жол, жарық сынды көкейкесті мәселелерді көтерді. Оған үміткерлер тарапынан тұщымды жауап берілді.
Үміткерлер партия арасындағы саяси аламанда «Nur Otan» партиясын қолдауға үгіттесе, ал еңбек ұжымы 2021 жылдың 10 қаңтарында болатын сайлауда таңдаудан жаңылмайтындарын жеткізді.
«Nur Otan» партиясы Қызылорда облысы Жалағаш аудандық
Сайлау қорының қаражатынан төленді
