Су топыраққа нәр, ауаға ылғал беріп, жаратылыс әлеміне жан бітіретін тіршіліктің өзегі. Жер бетінде сусыз тіршілік болмайтындығы бәрімізге белгілі. Азаматтар су қорын ұтымды пайдалану арқылы тек қажетті мөлшерде ғана пайдалана отырып, іргелі үлес қоса алады. Ашық крандар, ағып жатқан құбырлар, суды ластайтын өнімдерді пайдалану - бұл су тапшылығын күшейтуге ықпал ететін элементтер.

Осы орайда бүгін Жалағаш аудандық маслихаттағы «Nur Otan» партиясы депутаттық фракциясының жетекшісі Мұстафаева Қаншагүл Шоңмұрынқызы, аудандық партия филиалы Партиялық бақылау комиссиясының төрағасы Асқарова Қанбибі Дуланқызы, аталмыш комиссия мүшесі Жүргенбаев Бақытбек Сарбалұлы және Жалағаш ауданының оқшау сумен жабдықтау жүйелерін пайдаланушы өндірістік бөлімшесінің абонеттік бөлімінің меңгерушісі Қалиев Мырзалы Өмірәліұлылар Мәдениет ауылында болып тұрғындарға ауыз-суды үнемді пайдалану тұрғысында түсіндірме жұмыстарын жүргізді. Аталмыш жұмыстар аясында екі топқа бөлініп әрбір тұрғынның үйін жеке аралап, суды үнемді пайдалану бақылау-өлшеу құрылғысын пайдалану кеңестерін берді.