КЕДЕРГІСІЗ ОРТА ҚАЛЫПТАСТЫРУДЫҢ ТАЛАПТАРЫ ҚАНДАЙ?!

Бұл туралы бүгін бейімдеуден өткен нысандардың мемлекеттік стандартқа сәйкестігін анықтайтын мониторинг топтарға онлайн форматта семинар өтті. Барлық ауданнан қатысқан топ «ҚР еңбек және халықты әлеуметтік қорғау министрлігі еңбек, әлеуметтік қорғау және көші-қон комитетінің Қызылорда облысы бойынша департаменті» ММ бөлім басшысы Ситалиева Салима Шарапатқызы кедергісіз ортаны қалыптастыруға қойылатын талаптар жөніндегі ақпараттармен бөлісті.

«Nur Otan» партиясының «Кедергісіз келешек» жобасы аясында атқарылатын жұмыстар партияның «Өзгерістер жолы: әрбір азаматқа лайықты өмір!» сайлауалды бағдарламасының Жол картасында көрініс тапқан. Мүмкіндігі шектеулі жандарға қолайлы орта қалыптастыруға бағытталған жұмыстар «Жұмыспен қамтуды және халықтың осал топтарын әлеуметтік қолдау» жөніндегі қоғамдық кеңес және аудандық партия филиалы жанындағы партиялық бақылау комиссиясының бақылауында.