Мәдениет және өнерді дамыту орталығында "Ауыл - ел бесігі" атты ауыл жастарының облыстық слеті өткізілді.
Слетті аудан әкімінің орынбасары Жағыпар Тажмаханов ашып, түрлі салаларда еңбек етіп жүрген ауыл жастарын марапаттады.
- Бүгінгі ұйымдастырылып отырған ауыл жастарының облыстық слетінің негізгі мақсаты ауыл жастарының белсенділігін арттыру, жастарға патриоттық тәрбие беру, еңбекке, кәсіпке және қоғамдық белсенділікке баулу болып табылады-деді Жағыпар Айтбайұлы өз сөзінде.
Сондай-ақ, слет барысында «Zhas project» жастар корпусын дамыту жобасының жеңімпазы Махатай Ақмырза, «Бизнестің жол картасы -2020» бағдарламасының Грант бөлу жобасына қатысушы Мұқанбетқалиев Айдар, «Дипломмен - ауылға» жобасының қатысушысы Ұзақова Гүлжайна сөз алып, жастарды еңбек етуге шақырды.