ЖАЛАҒАШТА БАҚТИЯР ТАЙЛАҚБАЕВТЫҢ ӘН КЕШІ ӨТТІ

Қ.Қазантаев атындағы мәдениет үйінде Қазақстан Республикасының еңбек сіңірген әртісі, Халықаралық, республикалық байқаулардың лауреаты ерекше дауыс иесі Бақтияр Тайлақбаевтың мерейтойлық ән кеші өтті.
Әлемді әнімен қатар даусымен де таңдай қақтырған Бақтияр Тайлақбаевтың бүгінде өнер саласында жүргеніне - 40 жыл. «Аман бол ағаларым», «Ауылға», «Кекілді қыз» сынды әндерімен халыққа танылған өнер жұлдызы өз репертуарындағы әсем әндерін орындап, көрерменнің ыстық ықыласына бөленді.
Кеш барысында аудан әкімінің орынбасары Тажмаханов Жағыпар сөз алып, аудан әкімінің құттықтауын табыстап, өнер майталманына ізгі лебізін білдірді.