Димаш Құдайберген Бекзат Саттархановты еске алып, елдің жүрегін елжіретті
Димаш Құдайберген марқұм боксшы, Олимпиада чемпионы Бекзат Саттархановты еске алды. Ол спортшының туған күніне арнап жазба қалдырып, көпшіліктің жүрегін елжіретті, деп жазады Stan.kz.
"Бүгін қазақтың қайсар батыры Бекзат Саттарханов ағамыздың өмірге келген күні. Қысқа ғана ғұмыр кешсе де, еліміздің тұғырын үлкен деңгейге көтерген арыстай азаматымыз мәнгілік жүрегімізде. Ер есімі ел есінде! Алаштың текті ұрпағының тұқымы Бекзат аға, жатқан жерің жайлы, қараңғы жерің жарық болсын", - деді ол.
Желі қолданушылары батыр ұлды ұмытпай, ардақтаған Димашқа риза болды.
"Жарайсың Димаш бауырым. Аллаһ саған разы болсын. Ұлтымыздың ұлық болған азаматтарын еске алған саған алғысым шексіз. Тектілігің көрініп тұр. Сеніде әлі талай іні-қарындастарың үлгі тұтады", - дейді оқырмандардың бірі.
