Қоғамға қозғау салған Елбасы ұлтты ұйыстыруға, кешегімізді саралап, келешегімізді кемелдендіруге үндеп, «ұлттық кодты» сақтап қалудың сан алуан бағытын байыптайтын «Болашаққа бағдар: рухани жаңғыру» атты бағдарламалық мақаласының аясында бүгінгі таңда аудан мектептерінде «Мектебіме тағзым» акциясы кең көлемде өткізілуде. Жас ұрпаққа туған жерге тағзым етудің үлгісін көрсету, сол арқылы оларда сананың ашықтығын дамыту, табысты болу жолында бәсекеге қабілетті қалыптастыруға ықпал ету, білімнің салтанат құруы үшін заманауи материалдық-техникалық базаны нығайтуды жүзеге асыру мақсатындағы акция бүгін өз жалғасын аудандағы іргелі білім ошағы Т.Жүргенов атындағы №123 мектеп-лицейде өз жалғасын тапты. Акцияның алғы сөзін мектеп-лицей басшысы Л.Шөменова ашып, Т.Жүргенов атындағы киелі білім ордасынан білім нәрімен сусындап, бүгінде туған жеріне келіп, тағзым жасап отырған бірқатар ел азаматтарына алғысын жеткізді.
Шара барысында ардагер ұстаздар, 1957, 1967, 1968, 1978, 1993, 2008 жылғы түлектері сөз алып, киелі қара шаңырақтарына тағзым жасады.