Қазақы рухы биік ұлттық идея­ның қалыптасуында ұлт­тық құндылықтардың ма­ңы­зы зор. Ұлттық тәрбие туралы идея бүгінгі күн талабы­ мен өмірлік қажеттіліктен туын­дап отыр.

Ұлттық сана-сезімі қалып­тасқан, ұлттық мүдденің өр­кен­деуіне үлес қоса алатын,­ ұлттық құндылықтар мен жалпы адамзаттық құн­ды­­­лықтарды өзара ұш­тас­тыра алатын толық кемелді, ұлт­жанды тұлғаны тәрбиелеу ұлттық идеяның негізгі бағыты болып табылады.

Осы бағытта №203 орта мектепте «Ұлттық құнды­лық­тар – елжан­ды­лықтың ке­пілі» атты тәрбиелік шара өтті. Тәрбие сағатын мектеп директоры Е.Жусупбеков ашып берді. Шара барысында «Мен қазақпын» тақырыбында бей­не­ролик көрсетіліп, жеті са­нының қасиеті туралы мұғалім Қ.Бақтыбаева түсін­дір­ді. Қазақ­тардың таным-түсі­­ні­гінде жеті санының алар орны ерекше. Жердің жүзін мекендеген халықтардың кө­бісі, соның ішінде қазақтар ерте кезден-ақ жеті санында сиқырлы күш бар деп санаған. Оны кие тұтып, қастерлеген небір ұлттар да болды. Соның бірі – қазақ халқы. Біздің ата-бабаларымыз да жеті санын қастерлеп, бір­қатар таным-түсінігі мен таби­ғат құбы­лыстарын, аспан дене­ле­рін жеті санымен атап, ата заң­да­рына, салт-дәстүріне арқау етіп келеді.

Елбасы «Ұлы даланың жеті қыры» атты мақаласында қазақтың төл тарихындағы ұлы жетістіктерінің жеті қырын атап көрсеткен болатын. Яғни, бұл жерде де «жеті» сөзінің қолданылуы тектен тек болмаса керек. Осы мақаланы ар­­қау еткен оқушылар сах­на­лық қойылымдар қойды.

Бүгінгі күн тұрғысынан қарайтын болсақ, егемен елдің бейбітшілігі мен бір­лігін сақтайтын жас ұрпақтың бойына жастайынан ата-бабаларымыз не­гізін салған ерлік рухты, отан­шылдық се­зімді сіңіру кезек күт­тір­мей­тін мәселелердің бірі болып отыр. Ұлттық сезім мен ұлттық намыс, ұлттық рухты көтеру – бүгінгі таңның кезек күттірмес міндеті деп білемін. Яғни, елдің туын көтеріп, тәуелсіздік талаптарын орындау ісіне батыл бетбұрыс жасаған бүгінгі таңда адамзаттық игіліктерді, халқымыздың ғасырлар бойы армандаған мәдени-рухани мұрағаттары мен ұлттық тәр­бие саласында жұмыс жасау басты міндетіміз.