Ауылдағы ең жасы үлкен сайлаушы өз таңдауың жасады

Жаңадария ауылдық округінде ауыл әкімін сайлау науқаны өз деңгейінде өтуде. Таң азанымен елді мекендегі №152 сайлау пунктіне өз таңдауын жасап, дауыс беруге келген алғашқы сайлаушы Сапабек Тұрмаханов.

Айта кетейік бұл кісі ұзақ жылдар бойы осындағы мектепте мұғалім болған білім саласының ардагері. Сонымен бірге Сапабек Тұрмаханов ауылдағы ең жасы үлкен сайлаушы.

Қазыналы қария сайлау науқанында алғашқы болып дауыс беріп науқанның әділ әрі өз деңгейінде өтуіне тілектестігін білдірді. Ардагердің ақ батасымен жұмысын бастаған сайлау науқаны кешке дейін жалғасатын болады.