Қоғамда болып жатқан оң өзгерістер мен келелі істер – елдің өркендеуіне жасалған алғашқы қадамдар. Осы уақытқа дейін жеткен жетістіктеріміз игі бастамалардың қолға алынғанының нәтижесі деп білеміз. Озық отыздыққа енуді мақсат тұтқан мемлекетіміз егемендігінің арқасында жарқын жобалардың жемісін көруде.

Жалпы елдегі атқарылған ауқымды жұмыс­тар жарқын бо­ла­шақтың кепілі деуге болады. Әр жылы халыққа арналатын Жолдауларда да ұтымды ұсы­ныс­тар айтылып келеді. Бұл жұ­мыстар өз жүйесін тауып қана қоймай, ел игі­лігіне қызмет ететін жобаларды қалып­тас­­­­тыруда. Елдегі жарқын жоба­лар­ды тілге тиек еткенде, әсіре­се кәсіпкерлік саласының да­муына бағытталған түрлі бағдарламаларды ай­та аламыз. Бұлар өз кезегінде елдегі атал­ған саланың серпін алуына және ең бас­тысы әлеу­­меттің әлеуетінің жақсаруына сеп­тігін ти­гіз­ді. Көптеген ниетті жандар осы бағдар­ла­ма­­лар аясында өз кәсіптерін бастап, өзгені де жұ­­мыспен қамтыды. Айналып келгенде ел­дегі жұ­­мыссыздық деңгейінің төмендеуіне де әсер етті.

Әр салада осындай серпін қалыптасу үшін сыбайлас жемқорлыққа жол бермеуіміз керек. Мемлекеттің онымен күрес шараларын жүйелі жүргізуді мақсат етуі де сондықтан. «Ұрлық түбі – қорлық» екенін естіп-біліп жүрсе де, іс жүзінде керісінше әрекетке баратындар жоқ емес. Бұл – шектен шыққандық және біреудің ала жібін аттау деген сөз. Кез келген жетістікті, биік мансапты бармақ басты, көз қыстылықпен шеше аламын деп ойлайтындар түбінде опық жерін түсінбейді. Тіпті осындай қателікке бой алдырып, сүйегіне өшпес таңба басылған жаза басушылардың өмірі де басқаларға сабақ болмай тұр. Біреудің өзегін өртеген өкінішті өзіне сабақ еткісі келмей, ауырдың үстімен, жеңілдің астымен жүруді жөн көреді. Осындай жеңіл ойлы адамдар жемқорлық арқылы өз болашақтарына балта шауып жатқанын тү­сін­се, өзінің де, ұрпағының да адамгершілік биі­гін­дегі асыл қасиеттерінен ажырап қалмас еді.

аудандық кәсіпкерлік, өнеркәсіп және туризм бөлімінің басшысы