Ардагерлерді құрметтеу – баршамыздың парасатты парызымыз. Біле білсек, бүгінгі бақытты өмірге жеткеніміздің өзі – сол аға ұрпақтың, ардагерлеріміздің арқасы.

Ардагерлеріміздің, аға ұрпақ өкілдеріміздің еңбегін айтып жеткізу қиын. Ардагерлерге деген ыстық ықылас пен құрмет, алғыс ешқашан толастамайды, керісінше «тау алыстаған сайын биіктей түседі» демекші, уақыт өткен сайын еселене бермек.

Осы орайда, бүгін «AMANAT» партиясы Жалағаш аудандық филиалының «Денсаулық» бастауыш партия ұйымының ұйымдастыруымен «Ардагерлерді ардақтайық» партиялық жобасы аясында Жалағаш кенті орталығындағы бірқатар ардагерлердің үйлерін аралады. Мақсаты: үй күтіміндегі ардагерлердің жағдайын білу, қажетті дәрі-дермекпен қамтамасыз ету, денсаулықтың күтіміне байланысты медициналық кеңестер беру.