Аудандық азаматтық қорғау саласының қызметкерлері өрттің алдын алу мен болдырмау мақ­са­тында бірқатар жұмыс атқарып келеді. Бірақ, бұған қара­мастан тұрғын сек­то­рын­­дағы өрттер азаймай отыр.
Мысалға айтар болсақ, 4 сәуірде 16 сағат 50 минутта Жалағаш кенті, Жүргенов көшесінде орналасқан 2018 жылы салынған жаңа тұрғын үйде өрт оқиғасы орын алды. Салдарынан 2 адам көмірқышқыл газына уланып, аудандық орталық аурухананың жансақтау бөліміне жатқызылды.
Сол себепті, қарапайым өрт қауіпсіздігі ережелері мен талаптарын сақтай отырып, жан-жақты бақылау жүргізіп, сақ болғанымыз абзал. Сон­дай-ақ, жас­өспірім балалардың ашық отты, электр құралдарын пайдалануға, газ пештерін қосуға, жағуға немесе тамақ дайындауға жолатпау керек.
Қарапайым өрт қауіпсіздігі ере­же­лерінің талаптарын қатаң сақ­тау қажет. Өрт болған жағдайда 101, 112 нөмірлеріне хабар­ласы­ңыз­дар!