Бүгін «Тағзым» алаңы аумағында Чернобыль апатының аяқталғанына 36 жыл толуына орай апат салдарын жоюға қатысқан азаматтарды еске алу шарасы өтті.

Шара барысында Чернобыль апатынан зардап шеккен аймақтарды залалсыздандыру жұмысына қатысып, ауыр қасірет зардабын тартқан азаматтардың рухына бас иіп, 1 минут үнсіздікпен еске алынды. Гүл шоқтары қойылып, құран бағышталды.

Сонымен қатар, орталық кітапхананың «Coworking» орталығында Чернобыль ардагерлерімен кездесу өтті.

Шарада аудан әкімінің орынбасары Жасұлан Ерданұлы, Чернобыль ардагері Серікбай Ибраев және ҚР Жазушылар одағының мүшесі Қуат Адис ардагерлерге ізгі лебізін білдіріп, амандық, дендеріне саулық тіледі.
Ерлік ұмытылмайды. Бірақ оның құны да тым қымбат. Олай дейтінім, осы апат зардаптары біздің жауынгерлеріміздің өміріне, тағдырына, денсаулықтарына қатты әсер етті.

Қазақстанның экономикалық мүмкіндігінің артуына қарай мемелекет тарапынан бұл кісілердің көрсеткен ерліктері үшін марапат, алғыстардың арта беретіні сөзсіз - деді аудан әкімінің орынбасары.

Және де кездесу барысында ардагерлерге арнайы сый-сияпат көрсетілді.