ҚОҒАМДЫҚ ТӘРТІПТІ ҚАМТАМАСЫЗ ЕТУ – БАСТЫ НАЗАРДА

Жалпы, аудан көлемінде қоғамдық тәртіпті қамтамасыз ету және қылмыстың алдын-алу бағытында Елбасының «Қазақстан – 2050» стратегиялық бағдарламасында құқық қорғау органдарына ұсақ, майда құқық бұзушылыққа мүлдем төзбеушілік қағидатын ұстанып біршама жұмыстар атқарылды. «Мүлдем төзбеушілік» қағидатын қалыптастыру бағытында барлығы 1985 әкімшілік құқық бұзушылықтар анықталса, оларға жалпы құны 10,4 млн.теңге айыппұл салынып, оның 5,5 млн. теңгесі бюджетке өндірілген. Өкініштісі, аудан көлемінде тіркелген қылмыстар өткен жылмен салыстырғанда 269-дан 276-ға, яғни 2,6 пайызға көбейген. Оның ішінде бөтен мүлік ұрлығы 1,4 пайызға өсіп отыр.
Алдағы уақытта мал ұрлығының алдын алуда, жалпы қылмыстық істердің азаюы үшін жүйелі жұмыстар атқарылатын болады. Бөтен мүлік ұрлығының өсімін төмендетуде жергілікті учаскелік полиция инспекторлары үйді-үйді аралап, әрбір тұрғынның отбасылық жағдайын, қанша адам ішімдікті шамадан тыс қолданатынын, кімнің жұмыссыз екендігін бақылап отыратын болады. Жалпы, аудан әкімі тарапынан учаскелік инспекторларға бірқатар тапсырмалар беріліп, ұрлық қылмыстарын азайту мақсатында нәтижелі іс-қимылдар атқару міндеттелді.