Ақын Ғазиза Әбілданың шығармашылық кеші өтті (фото)

Қорқыт ата атындағы Қызылорда мемлекеттік университетінде Қазақстан Жазушылар және Журналистер одақтарының мүшесі, ақын Ғазиза Әбілданың "Ғашықпын гүл оранған көктеміме" атты шығармашылық кеші өтті.

Шараны іргелі оқу орнының ғылыми техникалық кітапханасы және Ә.Қоңыратбаев атындағы әдеби үйірме ұйымдастырды. Университет оқытушылары Г.Оралова, А.Әбдіразақова қаламгердің шығармашылығы жөнінде баяндама жасады. Студенттер ақын өлеңдерін оқып, өз пікірлерін ортаға салды.

Өмірін өлеңмен өрнектеген Ғ.Әбілда қазіргі күні облыстық "Сыр бойы" газетінде қызмет атқарып жүр. Оған дейін бірнеше жыл Жалағаш аудандық "Жалағаш жаршысы" газетінің редакторы болды.

2011 жылы ақынның "Таңсәрі" атты жыр жинағы жарық көрді.

syrboyi.kz