Жалағаш жаршысы Жалағаш аудандық қоғамдық-саяси газет
» » » АБАЙЛАП СӨЙЛЕЙІКШІ!

АБАЙЛАП СӨЙЛЕЙІКШІ!


Ауылда өстік. Көпбалалы отбасында ер­жеттік. Әке-анамыз күнұзағына жұмыста болады. Тауық шөжесіндей шүпірлеген өңшең қызыл қарын перзенттерінің ішім-жем, қажетін тауып беру оларға оңайға соқты дей­мі­сіз? Біздің бар тәрбиеміз, жауапкершілік жүгі әкемнің анасы, әжеміздің мойнында. Бала бағудың жеңіл емесі аналар қауымына жақсы мәлім. Қаншама шаршап-шалдығып, бізге кейісе де әжеміздің қарғыс сөз айтқанын бірде-бір рет естімеппіз. Бұл барша әжелерге тән әдет шығар деп ойлаймын.
Әжем марқұмның «Кімге де, әсіресе, бала-шағаға қарғыс, нала болған сөзді айтуға болмайды. Өсетін жастың талабына, өміріне зиян болады» деген сөзі жадымызда қалыпты. Небәрі Саужойдан әріп таныған, шала сауатты ананың өмірге деген көзқарасына қалайша таңданбайсың?! Біздің ауылдың балалары Жанқожа батыр, Ақтан батырдың есімдерін, батырлық жолын естерін білгеннен естіп өсті десек, өтірік емес. Кеңестік жүйенің кезінде де үлкендер қос баба жайлы қызықты әңгімелер шертетін. Алайда «әулиелердің есімдерін тура атауға, жиі айта беруге де болмайды» деп баба, батыр ата деп атайтын. Бұл ұғым қазір де кездеседі.
Енді көңілімде жүрген, көзім көрген жайт­пен бөліссем. Қазалы қаласына бармақшы болып автобусқа міндік. Күз мезгілі. Жауын бүркіп тұрды. Автобус орнынан қозғалар-қозғалмастан аямай боянып, сыланған жас­тау әйел жүргізушіге «Мені Жанқожаның қасынан қалдырып кетші» деді қатқылдау үнмен. Шофер үнсіз басын изеді. Мұны естімеді деп санады ма, келіншек даусын жаңағыдан да қатайтып «Мені Жанқожаның қасынан тастап кет дедім ғой» деді тағы да. Шыдамаса керек, бір үлкен кісі «Балам, ол кісі аса киелі,  әулие адам. Тура атын атамай, баба, болмаса батыр ата дегенің дұрыс» деген еді. Әйел өршелене түсіп, жаңағы сөзін тағы әлденеше мәрте қайталады. Отағасы енді ауыз ашса, ұрыс басталатынын түсінгендей үнсіз қалды. Бабаның кесенесіне жақындап қалғанбыз. Аяқ астынан тарс еткен дыбыс шықты да автобус бір қапталға қарай қисая берді. Салонда шыбынның ызыңы естілгендей тыныштық орнады. Сырғанап, жолдың нақ жиегіне аялдаған автобустан бәріміз түсуге асықтық. Балоны жарылып, жауынның салдарынан тайғанақтап барып тоқтапты. Жүргізуші болса, «кеше ғана жаңадан салған едім, не болғанын қайдам?» дейді маңдайынан сорғалаған терін сүртіп. Дөңгелекті ауыстырып алып, қайтадан жолға шықтық. Кесір тілді келіншек болса сол жерден қалып қойды.
Арада біршама уақыт өтсе де, аузы көбік­тенген әйел, жарылған балон, бір бүйіріне қарай жантайған автобус жадымнан шығар емес.

Жаңалықтар / Руханият
27 ақпан 2018 ж. 800 0

Ұқсас жаңалықтар:

title
Бала неге «БҰЗЫҚ» болады?
 Қоғам
title
БАЛА ТӘРБИЕСІНЕ САЛҒЫРТ ҚАРАМАЙЫҚ
 Қоғам
title
ТАСАДА ТҰРЫП ТАС АТУ – өсек пен өтіріктің ісі
 Қоғам
title
ӨМІРТАЙ ҚАРТТЫҢ ӘҢГІМЕСІ
 Руханият
title
Анасы қызына мына кеңестерді айтуы керек
 Қоғам
Пікір қалдыру

PDF нұсқалар мұрағаты

№42 (9825)

28 мамыр 2022 ж.

№41 (9824)

24 мамыр 2022 ж.

№40 (9821)

21 мамыр 2022 ж.

Хабарландыру

Қызылорда облыстық жұмыспен қамтуды үйлестіру және әлеуметтік бағдарламалар басқармасын Ғабит Жаңабаев басқарады

27 сәуір 2022 ж. 805

Қызылорда облысы әкімі аппаратының басшысы тағайындалды

27 сәуір 2022 ж. 1 246

Хабарландыру

31 қаңтар 2022 ж. 1 602

Қазақстан Республикасы Тәуелсіздігінің 30 жылдығына арналған жас жазушылар мен ақындар арасында өтетін «Ұлы дала» республикалық шығармашылық байқауы туралы

12 қазан 2021 ж. 6 284

Әлем

Тоқаев қайта сайланған Франция президенті Макронды құттықтады

Тоқаев қайта сайланған Франция президенті

25 сәуір 2022 ж.
«Сабасына түсер»: Медведев НАТО-ға қосылмақ болған тағы 2 елге сес көрсетті

«Сабасына түсер»: Медведев НАТО-ға қосылмақ

15 сәуір 2022 ж.
Қазақстандықтар бүгіннен бастап Кореяға визасыз бара алады

Қазақстандықтар бүгіннен бастап Кореяға визасыз

01 сәуір 2022 ж.

Сұхбат

Өнер ордасының бәсі биік
24 тамыз 2021 ж. 2 766

Өнер ордасының бәсі биік

Жаңалықтар мұрағаты

«    Қараша 2024    »
ДсСсСрБсЖмСбЖс
 123
45678910
11121314151617
18192021222324
252627282930 

Copyright © 2022. «Жалағаш жаршысы» газеті сайтында жарияланған барлық мақалалар мен фотосуреттердің авторлық құқықтары қорғалған. Басылым бетіндегі материалдарды пайдаланған жағдайда сілтеме жасалуы міндетті.

Меншік иесі: «Сыр медиа» ЖШС.

Яндекс.Метрика