ЕЛ ДАМУЫНЫҢ ЖАҢА ТЫНЫСЫ

Елбасы Нұрсұлтан Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауынан туындайтын міндеттер – ел дамуының негізі.

Яғни, қазақ елінің әлемдік қауымдастық алдындағы беделін одан әрі биіктетіп, экономикалық-әлеуметтік өркендеуімізге жол ашады. Кеше облыс әкімі Қырымбек Көшербаевтың төрағалығымен өткен актив жиынында Жолдау арқалаған жүк жан-жақты талқыланды. Яғни, аймақ басшысы Елбасы Жолдауының елде жүргізіліп жатқан жаңғыру үдерістерінің логикалық жалғасы екенін айтты. Сондай-ақ, Елбасы айқындаған міндеттерді жүзеге асыру мақсатында облыста атқарылатын жұмыстарды саралап берді. Сыр өңірі халқы әрдайым Мемлекет басшысының сарабдал саясатын қолдайды. Бүгінде облыс орталығы Қызылорда қаласы бас қаламыз Астанаға қарай бой түзеп келеді. Оның жарқын дәлелі - Сырдарияның сол жағалауын игеру басталды. Яғни, ақылды қаланың іргетасы қалануда. Аймақ басшысы бұл жұмыстардың Елбасы Жолдауынан туындайтын міндеттердің алғышарттары екендігін атап өтті.

Жағыпар ТАЖМАХАНОВ,
аудан әкімінің орынбасары.